Gipsplater og kloakk

I dag har me 31. januar. Ei stund sidan siste biletserie, og det betyr heldigvis at mykje har skjedd. Utanpå ser det meste likt ut, men det er lys inne...


Bileta vart tekne 15.15 og arbeidsfolket var framleis tilstades. Like innafor døra på grunnplanet såg det slik ut:

Kjøkkenet og toalettet har utvikla seg.

På galleriet, i andre etasje virker Marcus Eriksen. Han er røyrleggjar og legg difor røyr. Kloakken og vatnrøyra reknar han med er ferdig på dette nivået denne veka. Neste veke stig han opp i tredje, til hyblane.


På toppen driv elektrikarar med kablar. Dei var ikkje tilstades når eg var innom, men har sett spor etter seg. Mangelen på arbeidsfolk gav meg mot til å bevega meg rundt om i rommet. Difor er dei to bileta, geografisk sett, tekne frå motståande posisjonar.


P.S. Når det gjeld komentarane til arbeidet på galleriet vil eg innrømma at dei inneheld visse udokumenterte påstandar. Eg veit at det hang ein del kloakkrøyr i taket, men det med vassrøyr har eg teke med fordi eg tenkte at det passa inn. Eg fekk vel, strengt tatt, berre vita at arbeidet hans på galleriet var ferdig på slutten av denne veka. Slik er situasjonen.
Difor vil eg setja pris på om forslag, til kva røyr ein røyrleggjar festar i tak, veggar og golv, vert uttrykte i ein kommentar.

Innomhus - medio januar

Her har me bilder frå tre plan.

Kjøkken og toalett - Auditorium

Bildene frå dei fyrste to plana kjenner de att frå ein tidlegare post.

Galleri

Plan 3 kjem her med sine fyrste bidrag. Det gler oss.

Inngang på oppsida - rett innafor døra

Nyårsbilete

Her er dei fyrste bileta teke i 2007. Alle viser yttersider, og ikkje noko invortes. Slikt er beklageleg, men mest hende dette fordi fotografen var i ein sinnstilstand der han ikkje følte for å gå inn utan hjelm, og så enda opp med eit møte med autoritetar som handmenn eller arbeidstilsyn. Me får håpa at bilete frå innsida heller kjem snarare enn seint på denne sida.

Isolasjon

Lys i øverste etasje, der arbeider det sikkert nokon.

Nytt år

Innsamla midler i slutten av desember var på 392.000 kroner. Dette må seiast å vera flott. Dette gjev eit snitt på 79.000 kroner siste tre månader. Dette gjev denne oversikta:

Forfattaren er klar over at desember var ein ekstraordinær månad, og at prognosen er veldig høg på grunn av det. Men det gjev ein peikepinn på kor mykje som må samlast inn for at me skal nå målet vårt. Omtrent 80.000 kroner kvar månad. Me treng hjelp.

Alle vert oppfordra til å melda seg på "ti om dagen".
Oppskrift for dette er lagt ut tidlegare på denne sida.